ഓസീസിനെ 238ന് എറിഞ്ഞിട്ടു, 295 റൺസ് വിജയത്തോടെ പരമ്പരയിൽ മുന്നിൽ
ആദ്യ ഇന്നിങ്സിലെ ബാറ്റിങ് തകർച്ചയ്ക്ക് തീപ്പൊരി ബോളിങ്ങും രണ്ടാം ഇന്നിങ്സിലെ ബാറ്റിങ് പ്രകടനവും കൊണ്ട് മറുപടി നൽകി, പെർത്ത് ടെസ്റ്റിൽ ഗംഭീര വിജയം സ്വന്തമാക്കി ടീം ഇന്ത്യ. ക്യാപ്റ്റൻ രോഹിത് ശർമയില്ലാതിരുന്നിട്ടും ഓസ്ട്രേലിയയ്ക്കെതിരായ ഒന്നാം ടെസ്റ്റിൽ 295 റൺസ് വിജയമാണ് ഇന്ത്യ നേടിയത്. രണ്ടാം ഇന്നിങ്സിൽ ഇന്ത്യ ഉയർത്തിയ 534 റൺസ് വിജയലക്ഷ്യം പിന്തുടർന്ന ഓസ്ട്രേലിയ മറുപടി ബാറ്റിങ്ങിൽ 58.4 ഓവറിൽ 238 റൺസെടുത്തു പുറത്തായി.
101 പന്തുകൾ നേരിട്ട് 89 റൺസെടുത്ത ട്രാവിസ് ഹെഡാണ് രണ്ടാം ഇന്നിങ്സിൽ ഓസ്ട്രേലിയയുടെ ടോപ് സ്കോറർ. മിച്ചൽ മാർഷ് (47 പന്തിൽ 47), അലക്സ് ക്യാരി (58 പന്തിൽ 36) എന്നിവരും ഇന്ത്യയുടെ ബോളിങ് ആക്രമണത്തെ കുറച്ചു നേരമെങ്കിലും ചെറുത്തുനിന്നു. രണ്ടാം ഇന്നിങ്സിൽ 17 റൺസെടുക്കുന്നതിനിടെ നാലു വിക്കറ്റുകൾ നഷ്ടമായ ഓസീസിന്റെ മുൻനിര അപ്പാടെ തകർന്നുപോയി.
Related News
മലപ്പുറത്തെ 18കാരിയുടെ മരണം നിപ ബാധിച്ചെന്ന് സ്ഥിരീകരണം
ആയുഷ് മിഷനിൽ നിയമനം
ഇന്റർവ്യൂ നടത്തും
ഇൻവെസ്റ്റ് കേരള: 31,429.15 കോടി രൂപയുടെ 86 പദ്ധതികൾക്ക് ഇതുവരെ തുടക്കമായിട്ടുണ്ടെന്ന് മന്ത്രി
