ചരിത്ര വിജയം, അഭിമാന നിമിഷം; 27 വർഷത്തിന് ശേഷമാണ് ദേശീയ ഗെയിംസ് ഫുട്ബോളിൽ കേരളത്തിന് സ്വർണം
ദേശീയ ഗെയിംസ് ഫുട്ബോളില് കേരളത്തിന് സ്വര്ണം. ഫൈനലില് ആതിഥേയരായ ഉത്തരാഖണ്ഡിനെ എതിരില്ലാത്ത ഒരുഗോളിനാണ് കേരളം തോല്പ്പിച്ചത്. 53ാം മിനിറ്റില് കേരളത്തിന്റെ മുന്നേറ്റതാരം ഗോകുല് സന്തോഷാണ് കേരളത്തിനായി വലകുലുക്കിയത്. 1997-ലാണ് കേരളം അവസാനമായി ദേശീയ ഗെയിംസ് ഫുട്ബോളില് സ്വര്ണം നേടിയത്. 2022-ല് വെള്ളിയും കഴിഞ്ഞതവണ വെങ്കലവും കേരളം നേടിയിരുന്നു. 75ാം മിനിറ്റില് സഫ്വാന് റെഡ് കാര്ഡ് കണ്ട് പുറത്തായ ശേഷം പത്ത് പേരായി ചുരുങ്ങിയിട്ടും കേരളത്തിന്റെ വലയില് പന്തെത്തിക്കാന് ഉത്തരാഖണ്ഡിനായില്ല. പന്തുമായി കേരളത്തിന്റെ ബോക്സിലേക്കു കുതിച്ച ഉത്തരാഖണ്ഡ് താരത്തെ ഫൗള് ചെയ്തതിനാണു സഫ്വാന് റെഡ് കാര്ഡ് കിട്ടിയത്. സഫ്വാന് ആദ്യം യെല്ലോ കാര്ഡ് നല്കിയ റഫറി, പിന്നീട് ലൈന് റഫറിയുമായി ചര്ച്ച നടത്തിയ ശേഷം ചുവപ്പു കാര്ഡ് ആക്കി ഉയര്ത്തുകയായിരുന്നു. കേരള താരങ്ങള് പ്രതിഷേധവുമായി രംഗത്തെത്തിയെങ്കിലും റഫറി അംഗീകരിച്ചില്ല. ദേശീയ ഗെയിംസ് ഫുട്ബോളില് കേരളത്തിന്റെ മൂന്നാംസ്വര്ണമാണിത്.
Related News
തൃശൂരിൽ അക്യുപങ്ചർ ചികിത്സാമരണം; നവജാത ശിശുവിന്റെ മൃതദേഹം പുറത്തെടുത്ത് പരിശോധന
പ്രണയ നൈരാശ്യത്തില് വന്ദേ ഭാരത് ട്രെയിനിന് നേരെ കല്ലേറ്
കണ്ണൂരിൽ കെ സുധാകരൻ കോൺഗ്രസ് സ്ഥാനാർത്ഥി
ട്വന്റി 20 സ്ഥാനാർത്ഥികൾക്ക് വോട്ടില്ല
