വ്യവസ്ഥ ലംഘിച്ച് രാഹുൽ മാങ്കൂട്ടത്തിൽ, ജാമ്യം റദ്ദാക്കണമെന്ന് പ്രോസിക്യൂഷൻ
ബെംഗളൂരു സ്വദേശിനിയെ പീഡിപ്പിച്ചെന്ന രണ്ടാം ബലാത്സംഗക്കേസില് രാഹുല് മാങ്കൂട്ടത്തില് എംഎല്എയ്ക്ക് അനുവദിച്ച മുന്കൂര് ജാമ്യം റദ്ദാക്കണമെന്ന് ആവശ്യപ്പെട്ട് പ്രോസിക്യൂഷന് തിരുവനന്തപുരം ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയില് അപേക്ഷ നല്കി. ഈ മാസം 17 ന് രാഹുല് തനിക്കു വാട്സാപ് കോള് ചെയ്തതായി അതിജീവിത പൊലീസിനു പരാതി നല്കിയതിനെ തുടര്ന്നാണ് ജാമ്യം റദ്ദാക്കാനുള്ള അപേക്ഷ സമര്പ്പിച്ചത്. അപേക്ഷ ഫയലില് സ്വീകരിച്ച കോടതി, ഈ മാസം 27ന് അഭിഭാഷകന് മുഖേനയോ നേരിട്ടോ ഹാജരാകണമെന്ന് രാഹുലിനോട് നിർദേശിച്ചു.
കേസില് ജില്ലാ കോടതി ജാമ്യം അനുവദിച്ചപ്പോള്, അതിജീവിതയെ സ്വാധീനിക്കുവാനോ ബന്ധപ്പെടാനോ പാടില്ലെന്ന വ്യവസ്ഥ വച്ചിരുന്നു. രാഹുല് ഇതു ലംഘിച്ചുവെന്നാണ് പ്രോസിക്യൂഷന് കോടതിയെ അറിയിച്ചത്. 2023ല് വിവാഹവാഗ്ദാനം നല്കി ഹോം സ്റ്റേയിലെത്തിച്ച് രാഹുല് ബലാത്സംഗം ചെയ്തെന്നു പരാതി നല്കിയ ബെംഗളൂരുവില് താമസിക്കുന്ന 23 വയസ്സുകാരി കഴിഞ്ഞ ദിവസം നെടുമങ്ങാട് കോടതിയില് രഹസ്യമൊഴി നല്കിയിരുന്നു.
Related News
വയനാടിനുള്ള കേന്ദ്രസഹായം; മറുപടിയില്ലാതെ ബിജെപി
വയനാട് മാതൃകാ ടൗൺഷിപ്പ് ഉദ്ഘാടനം മാർച്ച് ഒന്നിന്
അനില് അംബാനിക്ക് വീണ്ടും ഇ ഡി സമന്സ്
