അതിരപ്പള്ളിയില്‍ ആദിവാസി വിഭാഗത്തില്‍പ്പെട്ട വനിതാ വാച്ചര്‍ക്ക് നേരെ ലൈംഗികാതിക്രമം; സെഷന്‍സ് ഫോറസ്റ്റ് ഓഫീസര്‍ പിടിയില്‍
തൃശൂര്‍ ചാലക്കുടി അതിരപ്പള്ളിയില്‍ ആദിവാസി വിഭാഗത്തില്‍പ്പെട്ട വനിതാ വാച്ചര്‍ക്ക് നേരെ ലൈംഗികാതിക്രമം. വാഴച്ചാല്‍ ഡിവിഷന് കീഴിലെ സെഷന്‍സ് ഫോറസ്റ്റ് ഓഫീസറാണ് ലൈംഗികാതിക്രമം നടത്തിയത്. കേസില്‍, സെഷന്‍സ് ഫോറസ്റ്റ് ഓഫീസര്‍ പി പി ജോണ്‍സണെ പൊലീസ് കസ്റ്റഡിയിലെടുത്തു. ചാലക്കുടി ഡിവൈഎസ്പിയുടെ നേതൃത്വത്തിലുള്ള സംഘമാണ് വനംവകുപ്പ് ഉദ്യോഗസ്ഥനെ പിടികൂടിയത്. ഒക്ടോബര്‍ ആറിനായിരുന്നു കേസിനാസ്പദമായ സംഭവം. വനിതാ വാച്ചറുടെ പരാതിയുടെ അടിസ്ഥാനത്തിലാണ് പി പി ജോണ്‍സണെ കസ്റ്റഡിയിലെടുത്തിരിക്കുന്നത്. ഇയാളെ ചാലക്കുടി ഡിവൈഎസ്പിയുടെ ഓഫിസില്‍ വിശദമായി ചോദ്യം ചെയ്ത് വരികയാണ്.
വാഹനത്തിലെ ഹോണ്‍ മുഴക്കിയതുമായി ബന്ധപ്പെട്ട തര്‍ക്കത്തിന്റെ പേരില്‍ കുറച്ച് വര്‍ഷങ്ങള്‍ക്ക് മുന്‍പ് പിപി ജോണ്‍സണ്‍ ചാലക്കുടി മജിസ്‌ട്രേറ്റിനെ അസഭ്യം പറഞ്ഞതായി കേസുണ്ടായിരുന്നു. സ്ഥലംമാറി വാഴച്ചാല്‍ ഡിവിഷനിലെത്തിയ ദിവസം തന്നെയാണ് ഇയാള്‍ വനിതാ വാച്ചര്‍ക്കുനേരെ ലൈംഗികാതിക്രമം നടത്തുന്നത്.
Related News
കേരളത്തെ സമ്പൂർണ വിജ്ഞാന സമ്പദ്‌വ്യവസ്ഥയായി മാറ്റുക ലക്ഷ്യം: മന്ത്രി സജി ചെറിയാൻ
രാഷ്ട്രപതി കേരളത്തിലെത്തി
മലപ്പട്ടം ഗ്രാമപഞ്ചായത്ത്‌ വികസന സദസ്സ് ഉദ്ഘാടനം ചെയ്തു
