news

ഹൈദരാബാദിൽ ലിഫ്റ്റ് തകർന്ന് മൂന്ന് തൊഴിലാളികൾ മരിച്ചു

News Desk

07 May 2025 10:16 PM

ഹൈദരാബാദിൽ ലിഫ്റ്റ് തകർന്ന് മൂന്ന് തൊഴിലാളികൾ മരിച്ചു. ജവഹർനഗർ ഡംപ്‌യാർഡിൽ നിർമ്മാണ പ്രവർത്തനങ്ങളിൽ ഏർപ്പെട്ടിരുന്ന ലിഫ്റ്റാണ് തകർന്നത്. ഡംപ് യാർഡിൽ വൈദ്യുതി പദ്ധതിയുടെ (മുനിസിപ്പൽ സോളിഡ് വേസ്റ്റ്-ടു-എനർജി പ്ലാന്റ്) രണ്ടാം ഘട്ടത്തിനായുള്ള ചിമ്മിനി നിർമ്മാണത്തിനിടെയാണ് സംഭവം.

ലിഫ്റ്റ് വേർപെട്ട് 40 അടി ഉയരത്തിൽ നിന്ന് തകർന്നുവീഴുകയായിരുന്നു. ലിഫ്റ്റിലുണ്ടായിരുന്ന മൂന്ന് തൊഴിലാളികൾക്കും ​ഗുരുതരമായി പരിക്കേറ്റു. ഇവരെ ആശുപത്രിയിലേക്ക് മാറ്റിയെങ്കിലും മരിച്ചു. മരിച്ചവർ 21 നും 28 നും ഇടയിൽ പ്രായമുള്ളവരാണെന്ന് പൊലീസ് പറഞ്ഞു. സംഭവത്തിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചു.

Related News